Konsumierä

Ä Gartä und ä Villa mit ämä grossä Chäller
Für die neue Schie und für ä tür Wie
Cravattä Cigarrä, äs Auto immer schnäller
Mä dänkt sich doch nur Guets derbi
As schnällers Mofa, und äs trenyi neus Handy
Ä schmale Färnseh, äs Weichers Sofa,
Ä neue Chüehlschrank fürs täglich Sushi
Das mues mä eifach alles ha

Chum het mä's gchauft scho isch's kaputt
Chum het mä's brucht scho gheit mäs furtt
Eusi Gsellschaft het kei Rueh
Konsumiere das git mächtig z'tue
Vom Morge früeh bis z'Obe spoot
Schaft und chrampft mä solang's nur goht
Immer wünscht mä sich am meiste
was mä sich nie wird chönnä leischte

Konsumiere …

Jo mä willl doch eifach anders sii
drum chauft mä witter masslos ii
Denn was dr Nochber alles het
isch was mä alles au no wett
Schlussändlich merkt mä nümm derbi
Dass mä alles hätt zum glücklich sii
Es bringt eim nüt in Ladä z'laufä
Was'fehlt cha mä (halt) nid chauffe

Konsumiere …