Wie du isch keine

Er het scho als Chind
grossi Sandburgä bout
Het träumt vo goldigä Schlösser
Het sich vieles zuetrout
„Das isch mir in d’Wiege gleit
Das isch mis Talänt“
het är immer gseit
Und er het ä mänge Plan gha

Er het scho als Chind
höchi Ziel vor Auge gha
Het Ideä gsammlet
Freud am erschaffe gha
Au wenn‘s hüt nüm ganz glich isch
Wie‘s denn im Sand isch gsi
Isch är no uf dr suechi
Nachdäm wo‘s nonig tuet geh

Peter bou wieter an dim Glück
Egal was anderi säge
Das isch dr Sinn vo dim Läbe
Peter bou wieter an dim Glück
Egal was anderi meine
Eso wie du isch keine –
uf derä Wält

Bisch ussergwöhnlich, fräch und fründlich
Härzerweichend bös und lieb
Lustig, fruschtig, trurig, fröhlich
Eifach, bodeständig, gwöhnlich
Kompliziert und Bureschlau
Schludderig und ganz genau
Zueverlässig und ganz logisch
Ärnscht, und mängisch öppä komisch
Planend, taktisch und au praktisch
Sozialpolitisch, öppä kritisch
Genial, banal und generell
Du bisch individuell

Peter bou wieter an dim Glück
Egal was anderi säge
Das isch dr Sinn vo dim Läbe
Peter bou wieter an dim Glück
Egal was anderi meine
Eso wie du isch keine –
uf derä Wält

SPRUCHRIF © 2015