Gumpe Gumpe

Jetzt isch Schluss mit viel studiere
Fertig jetzt mit resigniere
Mit Händ und Füess gestiquliere
Luschtig ischs doch sKommuniziere 

Klatsche jo das brucht kei Muet
S'Jodle isch was befreiä tuet
Rhythmus het mä doch im Bluet
Es isch Zyt das jedä gumpä tuet 

Gumpä, Gumpä
Jetzt wird ghüpft bis d’Balkä bräche
Viel Spass und Freud wei mir zämme ha
Umestoh isch äs Verbräche
Jetzt wird gumpt, bis alli Balkä bräche 

Grölä, lache, singä, stöhnä
D'Verstärker immer lütter dröhne
Feschtä, fiire bis in'd Nacht
Und sganzä Schlagzüg zämmekracht 

Eusi Kunscht isch Musig mache
Mit Fründe lache und Party machä
Gschichtä verzellä wei mir guet
Denn Träumli teile das macht Muet 

Gumpä, Gumpä
Jetzt wird ghüpft bis d’Balkä bräche
Viel Spass und Freud wei mir zämme ha
Umestoh isch äs Verbräche
Jetzt wird gumpt, bis alli Balkä bräche 

© SPRUCHRIF