Peter – Keine weiss wiso

Mueter mach dir keini Sorge

het er am Obe vorhär gseit
Ich bi io nüm e chline Bueb
Het er sich überleit

Er het z'fride s'Huus verloh
Um mit es paar Kollege
In dr Disco vom Nochberort
Sich im Rhytmus
Sich im Rhytmus go bewege

Geschter hei si dr Peter verchlopft
Und keine weiß wiso
Ä Fuscht an d'Nase, s’Chnü in Buch
Niemer chas verstoh

Geschter hei si dr Peter verchlopft
Und es het‘s niemer gseh
Ä Fuscht an d'Nase,
s’Chnü in Buch

Scho het er Stärnli gseh (oweh)

Wo er denn am Morge früeh
Müed am Bahnhof gwartet het
Nüt Schlimms het sich dänkt derbi
friedlich isch es do no gsi

Plötzlich het er Glächter gehört
Und Fläsche si ufs Perron gfloge
Drei Schatte het er no registriert
Er dreiht sich um
Er dreiht sich um
do ischs passiert

Hesch g’hört, was geschter passiert isch?
Nei. Was?
Dr Peter, si hei dr Peter verschlage am Bahnhof.
Nei. Das cha nid wohr si.
Spitalriif heisi ihn gschlage.
Jo. Weiss me scho wär’s gsi isch?
Nei. Kei Ahnig.
Was mues no alles passiere.

Nochrichte (nur in LP-Version):
D Polizei mäldet, dass gester znacht wieder e Jugentliche bimene Überfall schwer verletzt worde isch. Mehreri Persone hei Ihn bis zur Bewusstlosikeit traktiert. Er het müese ins künstliche Koma versetzt werde. D Ärzt chönne über si Zuestand no kei Uskunft geh, aber es mues bi derart schwere Verletzige mit blibende Schäde grechnet werde. D‘Politiker und d‘Chillevertreter si schockiert und fordere endlich härteri Massnahme.

Alles färbt sich rot
Läbi no? Isch es scho zspot?
Hilft mir öpper, in miner not?
Frog mi wie langs no goht.

Geschter hei si dr Peter verchlopft
Und keine weiß wiso
Ä Fuscht an d'Nase, s’Chnü in Buch
Niemer chas verstoh

Geschter hei si dr Peter verchlopft

Und es het‘s niemer gseh

Ä Fuscht an d'Nase, s’Chnü in Buch

Scho het er Stärnli gseh (oweh)